Google ADS

Përfundon sezoni për Luke Shawin

20:39 | 3 Maj 2017
Arbresh Info

Trajneri i Manchester United, Jose Mourinho ka zbuluar se Luke Shaw do të mungoj në pjesën e mbetur të sezonit.

Mbrojtësi i krahut të majtë, i cili ka startuar vetëm në nëntë ndeshje në Premierë Ligë gjatë edicionit 2016/17, së fundmi ka qenë pjesë e planeve të Mourinhos në ‘Old Trafford’, transmeton portali arbresh.info.

21-vjeçari mori një lëndim në këmbë gjatë barazimit 1 me 1 të Manchester United ndaj Swanseas Cityt në fundjavë dhe Mourinho njoftoi menjëherë pas ndeshjes se mbrojtësi ka pësuar “një lëndim të madh”.

Dëmtimi, i cili besohet të jetë në ligamente, është ende i pa qartë, por trajneri i “Djajve e Kuq” ka konfirmuar se Shaw nuk do të jetë pjesë e javëve të fundit të këtij sezoni.

“Shaw ka pësuar një lëndim të rëndë dhe ne jemi duke pritur për mendimin e fundit para se departamenti mjekësor të vendos çfarë të bëjë. Por, sezoni për të ka përfunduar”, u tha Mourinho gazetarëve./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm